Option
Manorata ho an'ny Zo 2021: Zhang Zhan
Rehefa niditra an-tsokosoko i Wuhan - izay ivon'ny fihanaky ny Covid-19 tany Chine, dia iray tamin'ireo mpanao gazety olom-pirenena vitsivitsy i Zhang Zhan nitatitra ny zava-nitranga tsy ...
Rehefa nihidy i Wuhan - izay ivon'ny fiparitahan'ny Covid-19 tany Chine, dia iray tamin'ireo mpanao gazety olom-pirenena vitsivitsy i Zhang Zhan nitantara ny krizy efa manakaiky.
Tapa-kevitra ny hitondra ny fahamarinana ny mpisolovava taloha, ary nankany amin'ny tanàna fahirano tamin'ny volana febroary 2020. Nandeha tamin'ny media sosialy izy nitatitra ny fomba nisamboran'ny manampahefana ny mpanao gazety tsy miankina sy ny fametavetana ireo fianakavian'ireo mararin'ny Covid-19. Ny mpanao gazety olom-pirenena no hany loharanom-baovao tsy voasivana momba ny valanaretina.
Nanjavona tany Wuhan i Zhan tamin'ny Mey 2020. Nohamafisin'ny manam-pahefana taty aoriana fa notazonin'ny polisy tao Shanghai, 640 km miala ny toerana izy. Tamin'ny Jona 2020, nitokona tsy hihinan-kanina izy mba hanoherana ny fitazonana azy. Tamin’ny volana desambra, dia nalemy ny vatany ka voatery nandeha seza misy kodiarana tany amin’ny fitsarana. Nomelohin’ilay mpitsara higadra efa-taona an-tranomaizina izy noho ny “nifantina fifandirana sy niteraka korontana”.
Nafindra tany amin'ny fonjan'ny vehivavy Shanghai i Zhan tamin'ny Martsa 2021. Mbola mandà ny fitsidihan'ny fianakaviany ny manam-pahefana. “Tokony hikatsaka ny fahamarinana isika ary hikatsaka izany na inona na inona vidiny,” hoy i Zhan. “Ny fahamarinana no zavatra lafo indrindra teto an-tany. Fiainantsika izany.”
Miantso an'i Shina hamotsorana an'i Zhan avy hatrany ny Amnesty International.
#china #zon'olombelona #covid-19 #journalism
.
